Cəlilabadda baş verən qəza ilə bağlı rəsmi açıqlama

Daxili İşlər Nazirliyi Cəlilabad rayonunda baş verən ağır yol nəqliyyat hadisəsi ilə bağlı açıqlama yayıb.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə aprelin 29-da saat 21 radələrində Cəlilabad rayonunun Alar kəndində qeydə alınıb. Kənd sakini Güloğlan Əzizovun idarə etdiyi “VAZ-21074” və Siyəzən rayon sakini Orxan Sədrəddinovun idarə etdiyi “KamAZ” markalı avtomobillər toqquşub.

Nəticədə Güloğlan Əzizov hadisə yerində ölüb.

Faktla bağlı Baş Dövlət Yol Polisi İdarəsi tərəfindən araşdırma aparılır.

Hacı Zeynalov