İŞİD-də döyüşən daha bir azərbaycanlı məhkəmə qarşısında

Bu gün Bakı Ağır Cinayətlər Məhkəməsində Suriyada döyüşlərdə iştirak etməkdə təqsirli bilinən Azərbaycan vətəndaşı Tural Məmmədovun cinayət işi üzrə məhkəmə prosesi başlayıb.

Teleqraf.com xəbər verir ki, Tural Məmmədov 2.1, 279.1-ci (Azərbaycan Respublikasının ərazisindən kənarda qanunvericilikdə nəzərdə tutlmayan silahlı birləşmə və ya qruplar yaratma) və 283-1.3-cü (milli, irqi, sosial və ya dini nifrət və düşmənçiliyin salınması) maddələri ilə ittiham edilir. O, Milli Təhlükəsizlik Nazirliyinin əməkdaşları tərəfindən həbs edilib.

Tural Məmmədov 2014-2015-ci illər ərzində müxtəlif vaxtlarda Suriyanın və İraqın ərazisində həmin dövlətlərin, habelə Azərbaycan qanunvericiliyi ilə nəzərdə tutulmayan ayrı-ayrı silahlı birləşmələrin, o cümlədən “İŞİD” terrorçu təşkilatının fəaliyyətində iştirak edib.

Cinayət işi hakim Eldar Mikayılovun icraatında araşdırılır.

Hacı Zeynalov