Bakıda itkin düşən həkimin yandırılımış meyiti tapıldı

Xızı rayonunda dəhşətli qətl hadisəsi baş verib.

Teleqraf.com xəbər verir ki, Bakı - Quba yolunun 55-ci kilometrində, yolun sağ hərəkət hissəsində yanmış qadın meyiti aşkar olunub.

Hadisə yerinə Xızı rayon polis şöbəsi və prokurorluq əməkdaşları gəlib. Araşdırmalar zamanı müəyyən edilib ki, öldürülən qadın bir neçə gün əvvəl itkin düşən Bakı şəhər sakini, 1981-ci il təvəllüdlü Natəvan Əliyevadır.

Müayinə zamanı Natəvan Əliyevanın qətlə yetirildiyi, daha sonra isə yandırıldığı üzə çıxıb. O, bu il iyun ayının 25-dən Xətai rayonunda itkin düşmüş kimi axtarışda olub.

Natəvan Əliyeva paytaxtda fəaliyyət göstərən xəstəxanaların birində həkim işləyib.

Faktla bağlı cinayət işi başlanıb.

Hacı Zeynalov