Bakıda dəhşətli qəza: yanaraq öldü - VİDEO

Bakıda ağır yol qəzası olub, sürücü yanıb ölüb.

Teleqraf.com Fövqəladə Hallar Nazirliyinin saytına istinadən xəbər verir ki, Bakı şəhəri, Sabunçu rayonunda vətəndaşlara məxsus “LEXUS”, “LAND ROVER” və “ЗАЗ” markalı minik avtomobillərinin toqquşması nəticəsində yanğınla nəticələnən yol-nəqliyyat hadisəsi baş verib.

Nəticədə,1959-cu il təvəllüdlü Hüseynov Ağabala Kamil oğluna məxsus “ЗАЗ” markalı minik avtomobilinin yanar hissələri yanıb və sürücü yanıq xəsarətləri ilə hadisə yerində ölüb. Digər avtomobillər yanğından mühafizə olunub.

***

Digər avtomobillərin sərnişinlərindən isə 4 nəfər ağır yaralanıb.

"Lend Rover”in sürücüsü isə taksiyə əyləşərək hadisə yerindən uzaqlaşıb.

Qəza baş verən əraziyə Fövqəladə Hallar Nazirliyinin əməkdaşları və Təcili yardım maşınları gəlib.

***

Sabunçu rayon Polis İdarəsindən APA-ya verilən məlumata görə, qəzada yaralanan 11 yaşlı Hüseyn Hüseynov aldığı xəsarətlərdən xəstəxanada keçinib. Qəza zamanı yaralanan daha iki azyaşlının müalicəsi isə davam etdirilir.

Qeyd edək ki, Bakı şəhərinin Sabunçu rayonunda vətəndaşlara məxsus “Lexus”, “Land Rover” və ZAZ markalı minik avtomobillərinin toqquşması nəticəsində yanğınla nəticələnən yol-nəqliyyat hadisəsi baş verib.

Nəticədə 1959-cu il təvəllüdlü Hüseynov Ağabala Kamil oğluna məxsus ZAZ markalı minik avtomobilinin yanar hissələri yanıb və sürücü A. Hüseynov yanıq xəsarətləri ilə hadisə yerində ölüb.

Xatırladaq ki, xəstəxanada dünyasını dəyişən 11 yaşlı Hüseyn sürücü A. Hüseynovun nəvəsidir.