Bakıda çimərlikdə iki dost qarət edildi

Bakının Sabunçu rayonunda çimərlikdə vətəndaşları qarət edən şəxs saxlanılıb.

Teleqraf.com xəbər verir ki, oğurluq hadisəsi Pirşağı qəsəbəsində yerləşən Qızıl Qum çimərliyində baş verib.

Beyləqan rayon sakinləri – 1997-ci il təvəllüdlü Murad Mirzəyev və onun dostu, 1994-cü il təvəllüdlü Habil Fikrətli avqustun 4-də, saat 19.30-da Qızıl Qum çimərliyinə gəliblər.

Onlar paltarlarını və özlərinə məxsus olan telefonları çimərlikdə müəyyən edilmiş yerdə qoyublar və dənizdə cimməyə gediblər. Geri qayıdan dostlar 1 ədəd “Samsunq” və 1 ədəd “Nokia” markalı mobil telefonlarının oğurlandığını görüblər.

Dostlar baş verən oğurluq hadisəsi ilə bağlı Sabunçu Rayon Polis İdarəsinin 15-ci polis bölməsinə müraciət ediblər. Polisin keçirdiyi əməliyyat nəticəsində cinayəti törədən Bakı şəhər sakini Pərviz Muqbilov həbs edilib.

Hacı Zeynalov