Polisə tabe olmayan sürücü saxlanıldı

Bakının Binəqədi rayonunun Xocəsən qəsəbəsində polisin əmrinə tabe olamayan sürücü saxlanılıb.

Teleqraf.com xəbər verir ki, “Fiat Dobla” markalı avtopatrulda xidmət aparan PPXB-nin əməkdaşları üzərində dövlət qeydiyyat nişanları olmayan “Pegout” markalı avtomobilin sürücüsünə “Saxla” işarəsi verib, lakin hərəkəti davam etdirmiş sürücü xidməti avtomobili vurub hadisə yerindən qaçmağa cəhd göstərib.

Görülmüş tədbirlərlə sürücü Ziya Rəhimli və sərnişini Mükafat Ağayev saxlanılıblar. Avtomobilə baxış zamanı süngü-bıçaq, cib bıçağı, 2 ədəd göz yerləri açılmış idman papağı və avtomobilin dövlət qeydiyyat nişanları aşkar edilərək götürülüb.

Hacı Zeynalov