Bakıda polis oğurlanan 18 yaşlı qızı tapdı

Bakının Sabunçu rayonunda qız qaçırma faktı qeydə alınıb.

Teleqraf.com xəbər verir ki, hadisə Kürdaxanı qəsəbəsində qeydə alınıb.

Məlumata görə, qəsəbə sakini, 1997-ci il təvəllüdlü T.C. oğurlanıb. Onu Amil adlı şəxsin evlənmək məqsədilə qaçırdığı məlum olub. 18 yaşlı qızın atası A. C. Sabunçu Rayon Polis İdarəsinə ərizə ilə müraciət edərək bildirib ki, qızının iradəsindən asılı olmayaraq, Amil adlı şəxs onu qaçırıb.

Məlumat alan polis əməliyyata başlayıb və qısa zamanda 18 yaşlı qız Amil adlı şəxsin gizlətdiyi evdən tapılaraq ailəsinə təhvil verilib.

Faktla bağlı araşdırma aparılır.

Hacı Zeynalov