Pirallahı sakininin pulunu oğurlayan qadın yaxalandı

Pirallahı qəsəbəsində kişi pul kisəsini oğurlayan qadın tutulub. Teleqraf.com xəbər verir ki, Pirallahı qəsəbə sakini İsmayıl Abbasov polis şöbəsinə müraciət edərək içərisində 417 manat, sənəd və hesabında 540 manat olan bankomat kartı olan pul kisəsini itirməsini bildirib.

Araşdırmalar zamanı pul kisəsinin qəsəbə sakini Aygün Əliyeva tərəfindən oğurlanması və kartın hesabında olan 540 manatın çıxarılması müəyyən edilib.

Faktla əlaqədar cinayət işi başlanıb.

Hacı Zeynalov