Bakıda reketçilik edən “zek” yaxalandı

Bakının Sabunçu rayonunda hədə-qorxu yolu ilə pul tələb etmə cinayəti baş verib.

Teleqraf.com xəbər verir ki, hadisə rayonun Bakıxanov qəsəbəsində qeydə alınıb.

Salyan rayon sakini, əvvəllər məhkum olunmuş Əhməd Dadaşov Bakı şəhər sakini Elxan Cərullayevi bıçaqla hədələyib. O, Elxan Cərullayevin 50 manatını və mobil telefonunu alıb.

Sabunçu Rayon Polis İdarəsinin 13-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Əhməd Dadaşov tutulub.

Hacı Zeynalov