Sumqayıtda vəzifəli şəxs evində ölü tapıldı

Sumqayıtda mənzildən 35 yaşlı kişinin meyiti tapılıb.

Teleqraf.com-un Fövqəladə Hallar Nazirliyinin saytına istinadən verdiyi xəbərə görə, Sumqayıt şəhərində 1980-cı il təvəllüdlü Sadıxzadə Rüstəm Davud oğlu mənzildə bağlı qapı arxasında köməksiz vəziyyətdə qalıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub.

Xilasedicilər mənzilə baxış keçirərkən zərərçəkmişi huşsuz vəziyyətdə aşkar ediblər. Hadisə yerinə çağırılmış Təcili Tibbi Yardım Stansiyasının həkimləri tərəfindən aparılmış ilkin müayinə zamanı R.Sadıxzadənin vəfat etdiyi müəyyən olunub.

Qeyd edək ki, Rüstəm Sadıxzadə Sumqayıt şəhər Gənclər və İdman Baş İdarəsinin Gənclərlə iş sektorunun müdiri idi. Onun ürək çatışmazlığından vəfat etdiyi bildirilir.