Bakıda 28 yaşlı oğlan bıçaqlandı

Bakının Sabunçu rayonunda iki dostun mübahisəsi cinayətlə nəticələnib.

Teleqraf.com xəbər verir ki, hadisə rayonun Zabrat qəsəbəsi, istixana kombinatı, yeni yaşayış massivində qeydə alınıb.

İmişli rayon sakini, 1987-ci il təvəllüdlü Elməddin Vəli oğlu Səfərov Bakı şəhər sakini, 1966-cı il təvəllüdlü Yusif Nurəddin oğlu Seyidovla mübahisə edib. Onların mübahisəsi sonradan davaya çevrilib.
Yusif Seyidov əvvəlcə Elməddin Səfərovu döyüb və daha sonra özündə olan bıçaqla vurub. Yaralı 3 saylı Şəhər Kliniki Xəstəxanasına çatdırılıb. Vəziyyətinin qənaətbəxş olduğu bildirilir.

Sabunçu Rayon Polis İdarəsinin 15-ci polis bölməsi əməkdaşları tərəfindən hadisəni törədən Yusif Seyidov həbs edilib.

Faktla bağlı cinayət işi başlanıb.

Hacı Zeynalov