Sabirabad sakini 11 kilo narkotiklə tutuldu

Sabirabad rayonunda narkotiklərlə bağlı əməliyyat keçirilib.

Teleqraf.com xəbər verir ki, Sabirabad Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Çiçəkli kənd sakini Əlisəfa Əliyev həbs edilib.

Ona məxsus həyətyanı sahədən kultivasiya yolu ilə yetişdirilmiş, çəkisi 11 kiloqram 220 qram olan 19 ədəd çətənə kolu, habelə evinə baxış zamanı 750 qram marixuana aşkar edilərək götürülüb.

Daha bir əməliyyatı Tovuz Rayon Polis Şöbəsinin əməkdaşları tərəfindən keçirilib. Avqustun 27-də narkotik vasitə ilə tutulmuş Azər Rüstəmovun evinə baxış zamanı 468 qram marixuana aşkar edilərək götürülüb.

Hacı Zeynalov