Binəqədidə oğurluq edən şəxslər tutuldu

Bakının Binəqədi rayonunda oğurluq hadisəsi baş verib.

Teleqraf.com xəbər verir ki, sentyabrın 9-na keçən gecə Binəqədi rayonu ərazisində yaşayan Ceyhun Məmmədova məxsus qarajdan qapını sındırmaq yolu ilə velosiped oğurlanıb.

Binəqədi Rayon Polis İdarəsinin 5-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Niyaməddin Nəcəfov və Tovuz rayon sakini Orxan Əliyev tutulublar.

Ətraflarında aparılmış əməliyyat tədbirləri ilə onların avqustun 16-da Ramazan Quluzadəyə məxsus velosipedi oğurlamaları da müəyyən edilib.

Hacı Zeynalov