Oğurluq və soyğunçuluq edənlər həbs edildi

Xızı rayonunda oğurluq edən şəxs məsuliyyətə cəlb edilib.

Teleqraf.com xəbər verir ki, Xızı Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində sentyabrın 14-də Umleyla Mahmudovanın evindən 530 manat oğurlamış rayon sakini Pərviz Zeynalov tutulub.

Daha bir oğurluq hadisəsinin üstünün açılması üçün əməliyyatı Xaçmaz Rayon Polis Şöbəsinin əməkdaşları keçirib. Əməliyyat-axtarış tədbirləri nəticəsində sentyabrın 9-da Ruslan Nəcəfovun evindən qızıl əşyalar oğurlamış şəhər sakini Nurlan Məmmədov yaxalanıb.

Sabunçu rayonu ərazisində Mehrab Muradovun 17 manatını və mobil telefonunu soyğunçuluq yolu ilə almış İmişli şəhər sakini Nahid İbrahimov Metropolitendə Polis Şöbəsi əməkdaşları tərəfindən tutulub.

Hacı Zeynalov