Göygöldə avtomobillə vurulan piyada xəstəxanada öldü

Göygöl rayonunda ölümlə nəticələnən yol nəqliyyat hadisəsi baş verib.

Teleqraf.com xəbər verir ki, rayon sakini Ramiz İbrahimov “QAZel” markalı avtomobili idarə edərkən səki ilə gedən şəhər sakini Hafiz Balaxanovu vurub.

Xəstəxanaya yerləşdirilmiş Hafiz Balaxanova tibbi yardım göstərilsə də, onun həyatını xilas etmək mümkün olmayıb.

Faktla bağlı Göygöl Rayon Polis Şöbəsi tərəfindən araşdırma aparılır.

Hacı Zeynalov