30 Sentyabr 2015 10:27
237

Bakının Sabunçu rayonunda evdən xeyli miqdarda pul oğurlanıb.

Teleqraf.com xəbər verir ki, hadisə Fətəliyev küçəsi 13, mənzil 72 ünvanında baş verib.

Bakı şəhər sakini, 1963-cü il təvəllüdlü Yaşar Rəhimovun evində açar seçmə yolu ilə naməlum şəxs və ya şəxslər girib. Onlar evdən 40 min manat və qızıl-zinnət əşyaları aparıblar.

Cinayəti törədən şəxs və ya şəxslərin müəyyən edilərək həbs edilməsi üçün Sabunçu Rayon Polis İdarəsinin 13-cü polis bölməsinin əməkdaşları tərəfindən əməliyyat tədbirləri görülür.

Faktla bağlı cinayət işi başlanıb.

Hacı Zeynalov


Müəllif:
Загрузка...