İki piyada yol qəzasında öldü

Gəncə şəhərində ağır yol nəqliyyat hadisəsi baş verib. Teleqraf.com xəbər verir ki, hadisə rayonun N.Nərimanov prospektində qeydə alınıb.

Kəlbəcər rayon sakini Kənan Məmmədxanov idarə etdiyi “Daewoo” markalı avtomobillə yolun kənarında gedən şəhər sakini Şahnaz Məmmədovanı vurub və nəticədə piyada hadisə yerində ölüb.

Daha bir yol qəzası Biləsuvar rayonunun Xırmandalı kəndində qeydə alınıb. Neftçala rayon sakini Cahangir Novruzov idarə etdiyi “Mercedes” markalı avtomobillə yolu keçən kənd sakini Eldar Orucovu vurub. Nəticədə xəstəxanaya yerləşdirilmiş E.Orucov orada ölüb.

Hər iki faktla bağlı araşdırma aparılır.

Hacı Zeynalov