Bakıda çay evində müştəri qarət olundu

Bakının Binəqədi rayonunda çay evində oğurluq hadisəsi baş verib.

Teleqraf.com xəbər verir ki, hadisə Atatürk prospekti 66 ünvanında yerləşən çay evində qeydə alınıb.

Tovuz rayon sakini, 1978-ci il təvəllüdlü Nəzakət Abuzərovanın içərisində 400 manat və mobil telefonu olan pul kisəsi naməlum şəraitdə oğurlanıb.

Nəzakət Abuzərova hadisə ilə bağlı polisə şikayət edib.

Faktla bağlı Binəqədi Rayon Polis İdarəsinin 5-ci polis bölməsində araşdırma aparılır.

Hacı Zeynalov