Beyləqanda velosipedçi avtomobillə vuruldu

Beyləqan rayonunda ağır yol nəqliyyat hadisəsi baş verib. Teleqraf.com xəbər verir ki, hadisə rayonun Şərq qəsəbəsində qeydə alınıb.

Rayon sakini Şəmistan İbrahimov idarə etdiyi “Mercedes” markalı avtomobillə yolun hərəkət hissəsində velosiped sürən qəsəbə sakini Nurlan Misirxanovu vurub.

Nəticədə N.Misirxanov hadisə yerində ölüb.

Faktla bağlı Beyləqan Rayon Polis Şöbəsi tərəfindən araşdırma aparılır.

Hacı Zeynalov