Gədəbəydə avtomobillə vurulan piyada öldü

Gədəbəy rayonunda ölümlə nəticələnən yol nəqliyyat hadisəsi baş verib. Teleqraf.com xəbər verir ki, hadisə rayonun Arıqdam kəndində qeydə alınıb.

Samux rayon sakini Rəşad Amanov idarə etdiyi “Nissan” markalı avtomobillə yolu keçən Bakı şəhər sakini Xitab İsmayılovu vurub.

Nəticədə piyada hadisə yerində ölüb. Faktla bağlı Gədəbəy Rayon Polis Şöbəsi tərəfindən araşdırma aparılır.

Hacı Zeynalov