Yolu keçmək istəyən üç piyada avtomobillə vuruldu

Bakının Səbail rayonunda yol-nəqliyyat hadisəsi baş verib.

Teleqraf.com xəbər verir ki, Səbail rayonunun Azərbaycan prospektində müəyyən edilməmiş avtomobillə yolu keçən Bakı şəhər sakini Sadıq Rəhimov vurulub.

S.Rəhimova xəstəxanada ilkin tibbi yardım göstərildikdən sonra buraxılıb. Daha bir yol qəzası Sabunçu rayonunda baş verib. Oktyabrın 27-də saat 01 radələrində Sabunçu rayonunun Bakıxanov qəsəbəsində müəyyən edilməmiş avtomobillə yolu keçən qəsəbə sakini Aynurə Əfəndiyeva vurulub. A.Əfəndiyevaya xəstəxanada ilkin tibbi yardım göstərilib.

Oxşar hadisə oktyabrın 27-də, saat 19 radələrində Şəmkir rayonunun Düyərli kəndində də qeydə alınıb. Müəyyən edilməmiş avtomobillə yolu keçən kənd sakini Səidə Qurbanova vurulub və o, xəstəxanaya yerləşdirilib.

Hacı Zeynalov