Ağdamda ev yandı

Ağdamda yanğın hadisəsi baş verib.

Fövqəladə Hallar Nazirliyindən Teleqraf.com-a daxil olan məlumata görə, yanğın hadisəsi rayonun Dörd yol-1 qəsəbəsində qeydə alınıb.

Vətəndaşa məxsus ümumi sahəsi 77 kv.m olan birmərtəbəli 3 otaqlı evin 2 otağının yanar konstruksiyaları 30 kv.m sahədə yanıb.

Hadisə yerinə gələn Yanğından Mühafizə Xidmətinin əməkdaşlarının səyi nəticəsində evin qalan hissəsini yanğından mühafizə etmək mümkün olub.

Yanğın saat 08:50-də yanğınsöndürənlər tərəfindən söndürülüb.