Bakıda qısqanc ər dəhşət törətdi

Bakının Sabunçu rayonunda qətl hadisəsi baş verib. Teleqraf.com xəbər verir ki, hadisə rayonun Məhəmmədi qəsəbəsində qeydə alınıb.

Tahir Mürsəlov qısqanclıq zəminində həyat yoldaşı Nigar Mürsəlovanı bıçaqlayaraq öldürüb. Tahir Mürsəlovun həyat yoldaşının başqa bir kişi ilə gəzməsindən şübhəlinərək bu addımı atdığı bildirilir.

Tahir Mürsəlov Sabunçu Rayon Polis İdarəsinin 15-ci polis bölməsinin əməkdaşları tərəfindən saxlanılıb.

Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov