Bakıda məşhur restoranlardan birində oğurluq hadisəsi baş verib.
Teleqraf.com xəbər verir ki, hadisə Nərimanov rayonu, Vaqif küçəsi, 7 ünvanında yerləşən “Makdonalds” restoranında qeydə alınıb.
Bakı şəhər sakini, 1997-ci il təvəllüdlü Şəhanə Ərəstun qızı Hüseynovaya məxsus mobil telefon masanın üzərindən naməlum şəraitdə oğurlanıb. Baş verən hadisə ilə bağlı Nərimanov Rayon Polis İdarəsinin 16-cı polis bölməsinə şikayət edilib.
Hazırda polis 18 yaşlı qızın mobil telefonunu oğurlayan şəxsin müəyyən edilərək həbs edilməsi üçün tədbir görülür.
Hacı Zeynalov