Bakı sakininin pulunu mənimsəyən şəxs həbs edildi

Bakının Binəqədi rayonunda dələduzluq faktı qeydə alınıb. Teleqraf.com xəbər verir ki, Bakı şəhər sakinləri Əbdülağa Musayev oktyabrın 28-də dələduzluqla üzləşib.

Binəqədi Rayon Polis İdarəsinin 4-cü polis bölməsinə ərizə ilə müraciət edən Əbdülağa Musayev bildirib ki, Bakı şəhər sakini, 1965-ci il təvəllüdlü Vüqar Nadirov onun etibarından sui-istifadə edərək ondan 200 manat alaraq qaytarmayıb.

Polis əməkdaşlarının keçirdikləri əməliyyat-axtarış tədbirləri nəticəsində, dələduzluq etməkdə şübhəli bilinən Vüqar Nadirov saxlanılıb.

Hacı Zeynalov