Bakının Səbail rayonunda soyğunçuluq hadisəsinin üstü açılıb.
Teleqraf.com xəbər verir ki, hadisə Zorge küçəsində yerləşən çay evində baş verib.
Çay evində naməlum şəxs Babək rayon sakini, 1996-cı il təvəllüdlü Eyyub Yaqubovu döyüb. Daha sonra həmin şəxs 19 yaşlı oğlanın 45 manatını əlindən alıb. Çay evində döyülərək qarət olunan gənc hadisə barədə hüquq-mühafizə orqanlarına məlumat verib. Eyyub Yaqubov Səbail Rayon Polis İdarəsinin 39-cu polis bölməsinin əməkdaşları tərəfindən izahatı alınıb.
Polis əməkdaşlarının keçirdikləri əməliyyat-axtarış tədbirləri nəticəsində, cinayəti törətməkdə şübhəli bilinən Salyan rayon sakini, 1984-cü il təvəllüdlü Rakif Xəlilov tutulub.
Hacı Zeynalov