Bakı polisi paytaxtda silsilə cinayətlər törədən şəxslərin tutulması istiqamətində əməliyyat keçirib.
Teleqraf.com xəbər verir ki, əməliyyat Xəzər və Sabunçu Rayon Polis idarələrinin əməkdaşları tərəfindən keçirilib.
Həyata keçirilən əməliyyat-axtarış tədbirləri nəticəsində noyabrın 18-də Sabunçu rayonu ərazisindən Emin İbrahimova məxsus “VAZ-2107” markalı avtomobili qaçırmış Bakı şəhər sakinləri Tural Qədirov və Elman Cəbiyev tutulublar.
Elman Cəbiyevin ətrafında aparılmış əməliyyat tədbirləri ilə onun Samir Abbasova və Anar Quliyevə məxsus “VAZ-2106” markalı avtomobilləri qaçırması da müəyyən edilib.
Dəstə üzvlərinin başqa cinayətlərdə iştirak edib-etməmələri araşdırılır.
Hacı Zeynalov