Bakı Ağır Cinayətlər Məhkəməsində narkotik vasitələri satmaqda təqsirləndirilən 1981-ci il təvəllüdlü Elsevər Osmanovun cinayət işi üzrə məhkəməsi yekunlaşıb.
Teleqraf.com xəbər verir ki, hakim Novruz Kərimovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Elsevər Osmanov 6 il müddətinə azadlıqdan məhrum edilib.
Qeyd edək ki, bu ilin aprel ayında Binəqədi Rayon Polis İdarəsinin 4-cü polis bölməsi əməkdaşları tərəfindən Bakı şəhər sakini Elsevər Osmanov həbs edilib. Ondan 1 kiloqram 50 qram marixuana götürülüb.
Hacı Zeynalov