Daşkəsəndə meşədə avtomobil aşdı: sürücü öldü, sərnişini yaralandı

Daşkəsən rayonunda ölümlə nəticələnən ağır yol-nəqliyyat hadisəsi baş verib.

Teleqraf.com xəbər verir ki, hadisə rayonun Çovdar kəndinin meşə zolağında qeydə alınıb.

Şəmkir rayon sakini Cavid Zeynalov idarə etdiyi “Niva” markalı avtomobili aşırıb.

Nəticədə o, hadisə yerində ölüb, sərnişini xəstəxanaya yerləşdirilib.

Faktla bağlı Daşkəsən Rayon Polis Şöbəsi tərəfindən araşdırma aparılır.

Hacı Zeynalov