Bakıda zəncirvari qəza: xəsarət alanlar var

Bakının Sabunçu rayonunda yol-nəqliyyat hadisəsi baş verib.

Teleqraf.com xəbər verir ki, hadisə Komsomol korpüsündə, Aeroport istiqamətinə gedən yolda qeydə alınıb.

Nəsimi rayonu sakini təvəllüdlü Sahib Əliyevin idarə etdiyi “Opel” markalı avtomobil, Qaradağ rayon sakini Şamil Mahmudovun sürdüyü “Şhevrolet” markalı avtomobil, Xəzər rayon sakini Türbətəli Mahmudovun idarə etdiyi “Nissan” markalı avtomobil və Daxili İşlər Nazirliyinin Çevik Polis Alayının polis nəfəri Elnur Mustafayevin sürdüyü “Fiat Doblo” markalı avtomobillər toqquşub.

Hadisə zamanı “Opel” markalı avtomobilin sürücüsü Sahib Əliyev və onun sərnişini Mehriban Çobiyeva, Şhevrolet” markalı avtomobilin sürücüsü Türbətəli Mahmudov xəsarət alıblar. Onlar 3 saylı Sabunçu Şəhər Xəstəxanasında tibbi yardım alıblar.

Hadisə zamanı polis serjantı Elnur Mustafayev və onunla birlikdə xidmətdə olan digər polis əməkdaşı Elşən Səmədov xəsarət almayıblar.

Hadisə vaxtı Elnur Mustafayev xidmətdə olub.

Faktla bağlı cinayət işi başlanıb.

Hacı Zeynalov