Bakıda 21 yaşlı oğlan bıçaqlandı

Bakının Xəzər rayonunda bıçaqlanma olub.

Teleqraf.com xəbər verir ki, hadisə rayonun Binə qəsəbəsi, Ə.İsazadə küçəsində qeydə alınıb.

Naməlum şəxs Bakı şəhər sakini, 1994-cü il təvəllüdlü Fərid Nadirlini bıçaqlayıb. Fərid Nadirli qarın nahiyəsindən aldığı xəsarətlə 3 saylı Şəhər Kliniki Xəstəxanasına gətirilib. Vaxtında tibbi yardım göstərildiyi üçün onun həyatını xilas etmək mümkün olub.

Xəzər Rayon Polis İdarəsinin 2-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Bakı şəhər sakini Orxan Nəzərov tutulub.

Hacı Zeynalov