Yasamalda evdən 100 min manatlıq oğurluq edildi

Bakının Yasamal rayonunda oğurluq hadisəsi baş verib.

Teleqraf.com xəbər verir ki, hadisə Yeni Yasamal, ev 10, mənzil 164-də qeydə alınıb.

1966-cı il təvəllüdlü Adil Səfixanovun evindən 50 min ABŞ dolları, 50 min manat dəyərində qızıl-zinət əşyaları oğurlanıb. Ev sahibi oğurluq hadisəsinin baş verməsi ilə bağlı Yasamal Rayon Polis İdarəsinin 29-cu polis bölməsinə ərizə ilə müraciət edib.

Hazırda polis oğurluq hadisəsini törədən şəxs və ya şəxslərin müəyyən edilərək həbs edilməsi istiqamətində əməliyyat-axtarış tədbirləri görürlər.

Hacı Zeynalov