Bakıda sevgilisini məftillə boğan gəncin ŞOK etirafları

Bakının Binəqədi rayonunda qətl törətməkdə təqsirli bilinən 22 yaşlı Fəhmin Qədimov barəsində həbs-qətimkan tədbiri seçilib. O, ötən gün Binəqədi rayonunun Cavadxan küçəsində kirayə götürdüyü evdə 39 yaşlı Sədaqət Əsgərovanı qısqanclıq zəminində boğaraq öldürməkdə təqsirli bilinir. Saxlanılan şəxsin sözlərinə görə, mərhum Sədaqətlə 1 ay bundan qabaq metronun “28 May” stansiyasının qarşısında tanış olub. Qadın metronun “Memar Əcəmi” stansiyası yaxınlığında kirayədə yaşayırmış. Evin qiyməti baha olduğundan Fəhmin ona yeni mənzil kirayələyib.


“Çağırdım, gəldi baxdı, xoşuna gəldi. Silib təmizlədi, evi götürdüyüm 4 gün idi. Ondan əvvəl çöldə-bayırda, öz evində görüşürdük. Getdi, səhəri gün gəldi. Dedim ona gəl bura. Mən bilirəm sən kiminləsə görüşürsən, eləmə”, – deyə saxlanılan şəxs - Fəhmin Qədimov açıqlamasında bildirib.

Qadının sərt cavabı Fəhmini özündən çıxarıb və nəticədə onun başını qolları arasında sıxaraq boğmağa başlayıb.


“Sonradan məftildən istifadə etməyə başladım. Gördüm boğulub, amma canını hələ tapşırmayıb. Məftillə sıxdım, şalvarı üzünə qoydum, başını bağladım ki, qoy səsi çıxmasın”, – deyə əlavə edib.


Hadisəni törədəndən sonra Fəhmin qadının maşınına oturaraq rayona gedib və anası ilə vidalaşıb. Dərhal geri qayıdan gənc özü könüllü olaraq Binəqədi Rayon Polis İdarəsinə gəlib təslim olub. Məlumata görə, qadının 18 yaşında oğlu da var. Fəhmin Qədimov isə əvvəllər iki dəfə məhkumluq həyatı yaşayıb. (anspress.com)