Sabunçuda daxili qoşunların hərbi qulluqçusu döyüldü

Bakının Sabunçu rayonunda xuliqanlıq edilib.

Teleqraf.com xəbər verir ki, hadisə rayonun Sabunçu qəsəbəsi, Anaşkin küçəsində qeydə alınıb.

Daxili İşlər Nazirliyinin daxili qoşunlarında sürücü vəzifəsində (maxe) xidmət aparan 1988-ci il təvəllüdlü Ruslan Cavadov döyülüb. Sabunçu Rayon Polis İdarəsinin 12-ci polis bölməsinə müraciət edən Ruslan Cavadov bildirib ki, o, yaşadığı evin yaxınlığında tanımadığı 3 nəfərlə mübahisə edib.

Bundan sonra həmin şəxslər Ruslan Cavadovu döyərək, ona xəsarət yetiriblər.

Faktla bağlı araşdırma aparılır.

Hacı Zeynalov