Məktəblini ürəyindən vuran gənc həbs edildi

Şəmkirdə məktəblini ürəyindən bıçaqlayan şəxs həbs edilib.

Teleqraf.com xəbər verir ki, Şəmkir rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində fevralın 22-də münaqişə zəminində rayon sakini Vüsal Əhmədova bıçaqla xəsarət yetirmiş həmyerlisi Xəlil Süleymanov tutulub.

Qeyd edək ki, fevralın 22-də, saat 14:30 radələrində Şəmkirin Çaykənd kəndi ərazisində bıçaqlanma hadisəsi baş verib. Kənd sakini, 18 yaşlı Xəlil Süleymanov şəxsi münasibətlər zəminində 16 yaşlı Vüsal Əhmədovu bıçaqlayıb. Ürək nahiyəsindən və bədənin qol hissəsindən bıçaq xəsarəti alan Vüsal Əhmədov dərhal Şəmkir Rayon Mərkəzi Xəstəxanasına çatdırılıb.

Hacı Zeynalov