Bakıda qadını soyan kişi həbs edildi

Bakının Xətai rayonunda quldurluq hadisəsi baş verib.

Teleqraf.com xəbər verir ki, hadisə rayonun Nobel prospektində qeydə alınıb.

Məlumata görə, naməlum şəxs Bakı şəhər sakini Məlahət Hüseynovanı bıçaqla hədələyib və içərisində 40 manat olan çantasını alıb. Məlahət Hüseynova quldurluqla üzləşməsi ilə bağlı hüquq-mühafizə orqanlarına müraciət edib.

Xətai Rayon Polis İdarəsinin 37-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Salyan rayon sakini Ruslan Abdullayev tutulub.

Faktla bağlı Cinayət Məcəlləsinin 181-ci (quldurluq) maddəsi ilə cinayət işi başlanıb.

Hacı Zeynalov