Nardaranda insident: 1 nəfər yaralandı

Bakının Sabunçu rayonunda cinayət hadisəsi baş verib.

Teleqraf.com xəbər verir ki, hadisə rayonun Nardaran qəsəbəsi, Azərbaycan qadını küçəsi, 23 ünvanında qeydə alınıb.

Həmin ünvanda Bakı şəhər sakini, 1978-ci il təvəllüdlü Samir Hüseynov naməlum şəxs tərəfindən döyülüb. Naməlum şəxs daha sonra Samir Hüseynova bıçaqla xəsarət yetirib.

Samir Hüseynov 3 saylı şəhər xəstəxanasında tibbi yardım alıb. Hadisə xuliqanlıq zəminində baş verib.

Faktla Sabunçu Rayon Polis İdarəsinin 42-ci polis bölməsində araşdırma aparılır.

Hacı Zeynalov