Ağdaşda avtomobillə vurulan qadın xəstəxanada öldü

Ağdaş rayonunda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, hadisə rayonun Ləki qəsəbəsində qeydə alınıb.

Bakı şəhər sakini Bəyxan Kərimov idarə etdiyi “Hyundai” markalı avtomobillə yolu keçən rayon sakini Rəbiyə Abdullayevanı vurub.

Xəstəxanaya yerləşdirilmiş Rəbiyyə Abdullayeva orada ölüb.

Faktla bağlı Ağdaş rayon polis şöbəsi tərəfindən araşdırma aparılır.

Hacı Zeynalov