Bakıda məcburi köçkün kafedə döyüldü

Bakının Sabunçu rayonunda cinayət hadisəsi baş verib.

Teleqraf.com xəbər verir ki, hadisə rayonun Ramana qəsəbəsi, Şuşa şəhərciyində yerləşən “Qarabağ” kafesində qeydə alınıb.

Həmin kafedə Şuşa şəhərindən məcburi köçkün düşmüş, 1973-cü il təvəllüdlü Hikmət İbrahimov döyülüb. Hadisə zamanı xəsarət alan Hikmət İbrahimov xəstəxanada müayinə olunub.

Hikmət İbrahimov Sabunçu Rayon Polis İdarəsinin 12-ci polis bölməsinə ərizə ilə müraciət edərək bildirib ki, onu kafedə Mehman kimi tanıdığı şəxs döyüb. Hadisə zamanı hər iki şəxs sərxoş olub.

Faktla bağlı araşdırma aparılır.

Hacı Zeynalov