Sabunçuda narkotik alverçisi həbs edildi

Bakının Sabunçu rayonunda narkotiklərlə bağlı əməliyyat keçirilib.

Teleqraf.com xəbər verir ki, əməliyyatı Sabunçu Rayon Polis İdarəsinin 13-cü polis bölməsinin əməkdaşları keçirib.

Rayonun Bakıxanov qəsəbəsində keçirilən əməliyyat zamanı Bakı şəhər sakini, 1972-ci il təvəllüdlü Asif Dadaşov saxlanılıb. Onun üzərinə baxış zamanı 1,770 qram narkotik vasitə hesab olunan heroin aşkar olunaraq götürülüb.

Qeyd edək ki, Asif Dadaşov bundan əvvəl Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) maddəsi ilə ittiham olunaraq məhkumluq həyatı yaşayıb.

Hacı Zeynalov