Gəncə sakini öldürüb basdırdılar

Göygöl rayonunda itkin düşən şəxsin qətlə yetirildiyi üzə çıxıb.

Teleqraf.com xəbər verir ki, Göygöl rayon polis şöbəsinə fevralın 25-də itkin düşmüş Gəncə şəhər sakini Eldar Əliyevin rayonun Balçılı kəndində küt alətlə qətlə yetirilib və basdırılması barədə məlumat daxil olub.

Eldar Əliyevin meyiti eksqumasiya edilib.

Həyata keçirilmiş istintaq və əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Balçılı kənd sakinləri Cavid Cəfərov və Cinayət Məcəlləsinin 144 və 182-ci maddələri ilə axtarışda olan Qoçu Kərimov tutulub, digər 2 nəfər isə müəyyən edilib.

Faktla bağlı araşdırmalar aparılır.

Hacı Zeynalov