Tovuz sakini həmkəndlisini bıçaqladı

Tovuz rayonunda bıçaqlanma hadisəsi baş verib. Teleqraf.com xəbər verir ki, hadisə rayonun Abulbəyli kəndində qeydə alınıb.

Kənd sakini Ramin Hüseynov münaqişə zəminində həmyerlisi Elnur Əliyevi bıçaqlayıb. Elnur Əliyev bıçaq xəsarəti ilə xəstəxanaya gətirilib. Ona tibbi yardım göstərilib.

Tovuz rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən Ramin Hüseynov tutulub.

Hacı Zeynalov