Bakıda əməliyyat: 8 kq narkotik müsadirə edildi

Bakının Binəqədi rayonunda narkotiklərlə bağlı əməliyyat keçirilib.

Teleqraf.com xəbər verir ki, polis əməkdaşları tərəfindən Bakı şəhər sakini, əvvəllər məhkum olunmuş Azər Heybətov həbs edilib.

Azər Heybətovdan 5 kiloqram marixuana aşkar edilərək götürülüb.

Daha bir əməliyyatı Pirallahı Rayon Polis İdarəsinin əməkdaşları keçirib. Polis əməkdaşlarının həyata keçirdikləri əməliyyat-axtarış tədbirləri nəticəsində Ucar rayon sakini Rəşid Şirinovdan 705 qram heroin və 2 kiloqram 70 qram marixuana götürülüb.

Hacı Zeynalov