Qazaxda ahıl ər və arvad öldürüldü

Qazax rayonunda ağır qətl hadisəsi baş verib.

Qazax rayon Prokurorluğundan Teleqraf.com-a bildiriblər ki, martın 13-də 1939-cu il təvəllüdlü Nəriman Osmanov və qeyri-rəsmi nigahda olduğu 1941-ci il təvəllüdlü Dünya Bakıxanova öldürülüb.

Məlumatda bildirilir ki, onların birgə yaşadıqları rayonun Cəfərli kəndində üzərlərində çoxsaylı xəsarətləri olan meyidləri aşkarlanıb.

Faktla bağlı Qazax rayon Prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən adam öldürmə) maddəsilə cinayət işi başlanıb.

Cinayəti törədən şəxs və ya şəxslərin müəyyən edilməsi istiqamətində istintaq tədbirləri həyata keçirilir.