ATV-nin əməkdaşları qəzaya düşdü: yaralılar var

Bərdənin Mirzəxan kəndi ərazisində yol qəzası baş verib.

Teleqraf.com-un xəbərinə görə, Füzuli rayonundan çəkilişdən qayıdan ATV əməkdaşlarının qəzaya düşdüyü bildirilir.

Hadisənin hansı şəraitdə baş verdiyi hələlik dəqiqləşməyib. Hadisə nəticəsində xəsarət alanların olduğu bildirilir.

ATV telekanalından faktı APA-ya təsdiqləyiblər. Telekanalın Xəbərlər departamentinin rəhbəri Vaqif Aydınoğlu bildirib ki, qəza nəticəsində sürücü Cehyun Sultanovun ayağı sınıb. “Ləziz Macəra” verilişinin aparıcı Aysel Nazimqızı isə yüngül xəsarət alıb. Hazırda hər iki şəxs Bərdə Rayon Mərkəzi Xəstəxanasına yerləşdirilib. Onların vəziyyəti normaldır.

"ATV rəhbərliyi dərhal hadisə ilə maraqlanıb, Bərdə rayonu ilə əlaqə saxlanılıb və xəsarət alan əməkdaşlarımıza lazımi tibbi yardımın göstərilməsi üçün tədbirlər görülür", - Vaqif Aydınoğlu deyib

Xalid Salmanbəyli