Bakıda orta məktəb şagirdi bıçaqlandı

Bakının Sabunçu rayonunda bıçaqlanma hadisəsi baş verib.

Teleqraf.com xəbər verir ki, hadisə Ramana qəsəbəsində qeydə alınıb.

Həmin qəsəbədə 1999-cu il təvəllüdlü Sarvan Ziliyev naməlum şəraitdə bıçaqlanıb. Sarvan Ziliyev bıçaq xəsarəti ilə 3 saylı Sabunçu şəhər xəstəxanasına gətirilib. Ona tibbi yardım göstərilib.

Hazırda Sabunçu Rayon Polis İdarəsinin 12-ci polis bölməsi əməkdaşları Sarvan Ziliyevi bıçaqlayan şəxsin tutulması üçün tədbirlər görülür.

Bıçaqlanan Sarvan Ziliyev orta məktəbin 11-ci sinif şagirdi olduğu bildirilir.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov