Avtobusda sərnişinin cibindən 500 dollar oğurlandı

Bakının Nəsimi rayonu ərazisində avtobusda cibgirlik edən şəxs həbs edilib.

Teleqraf.com xəbər verir ki, naməlum şəxs rayon ərazisində 20 saylı xətt avtobusunda Ağsu rayon sakini Azər Niftəliyevin cibindən 500 ABŞ dollarını oğurlayıb.

Azər Niftəliyevin cibindən oğurluğu edəndən sonra avtobusdan düşərək qaçan həmin şəxs ərazidə xidmət aparan Əlahiddə Çevik Polis Alayının əməkdaşları tərəfindən tutulub.

Onun, Sumqayıt şəhər sakini, əvvəllər məhkum olunmuş Ehtiram Cavanşirli olması müəyyən edilib.

Faktla bağlı Nəsimi Rayon Polis İdarəsi tərəfindən araşdırma aparılır.

Hacı Zeynalov