Biləsuvar sakini həyat yoldaşını bıçaqladı

Bakının Xətai rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Şıxlinski küçəsində mənzillərdən birində qeydə alınıb.

Biləsuvar rayon sakini, 1981-ci il təvəllüdlü Zahid Əliyev ailə münaqişəsi zəminində həyat yoldaşı, 29 yaşlı Əfsanə Rəsulovanı bıçaqlayıb. Çoxsaylı bıçaq xəsarəti alan Əfsanə Rəsulova xəstəxanaya yerləşdirilib, ona tibbi yardım göstərilib.

Xətai Rayon Polis İdarəsi əməkdaşlarının keçirdiyi əməliyyat nəticəsində cinayəti törədən Zahid Əliyev həbs edilib. O, istintaqa verdiyi ifadəsində bildirib ki, hadisədən əvvəl Əfsanə ondan boşanmaq istəyib. Amma Zahid həyat yoldaşından ayrılmaq istəməyib. Bu zaman bıçağa əl atan Zahid Əfsanəyə çoxsaylı zərbələr vurub.

Faktla bağlı Cinayət Məcəlləsinin 29,120.1-ci (qəsdən adam öldürməyə cəhd) maddələri ilə ittiham edilib.

Hacı Zeynalov