Zibilxanada baş verən yanğına görə sakinlər təxliyyə olundu - Sumqayıtda

Gecə saatlarında Sumqayıtda yaşayış binasının zirzəmisinə yığılmış məişət tullantıları arasında yanğının baş verməsi bina sakinlərinə qorxulu anlar yaşadıb.

Fövqəladə Hallar Nazirliyindən Teleqraf.com-a verilən məlumata görə, beşmərtəbəli yaşayış binasının zirzəmisinə yığılmış 20 kv.m sahədə məişət tullantıları yanıb. Mənzillər yanğından mühafizə olunub. Yanğın zamanı mənzillərdən 8 nəfər yanğınsöndürənlər tərəfindən təxliyyə olunub.

Yanğın saat 21:33-də yanğınsöndürənlər tərəfindən söndürülüb.