Ağcabədidə oğurluq edən qrup zərərsizləşdirildi

Ağcabədi rayonunda oğurluq edən şəxslər həbs edilib.

Teleqraf.com xəbər verir ki, Ağcabədi rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində martın 17-də rayon sakini Mədət Əliyevə məxsus evdən 3700 manat və qızıl əşyalar oğurlamış həmyerlisi Elşən Cəfərov tutulub.

Ətrafında aparılmış əməliyyat tədbirləri ilə onun şəhər sakinləri Şəfa Həsənov və Ceyhun Qədirovla birgə martın 18-də Xoşqədəm Məmmədovaya məxsus evdən qızıl əşyalar oğurlamaları da müəyyən edilib.

Həyata keçirilmiş əməliyyat-axtarış tədbirlərilə Ş.Həsənov və C.Qədirov tutulublar.

Hacı Zeynalov